السلام عليكم

وحياكم الله جميعا .. وعلى فكرة انا ما بحبش المقدمات عشان كدة نخش في الموضوع على طول

ازاي ممكن اعرف ان الشركة الفلانية نصابة وما بتدفعش او ايه المحاذير اللي ممكن اعملها عشان ما اخسرش من جيبي
على الاقل زي مثلا اكون مشتري ريفيرالز وكدة .. والحاجات دي ( من غير معلمة عليكم لا سمح الله ) انا عرفتها بمرور الزمن ومن
خلال التجربة ( يعني اتنصب علي كم مرة ) وانت بقى خليك عاقل واتعظ بغيرك

ودي نقاط بسيطة اتمنى يكون فيها الفايدة:

* اول حاجة الشركة النصابة بتحاول تغريك بطرقة واضحة احيانا لدرجة الهبل
زي مثلا شركة تقول لك انها بتدفع 100 او 200 $ على الاميل ، وتديك حافز 1000 $ على التسجيل - بالزمة دة كلام ؟؟

* وفي شركات مثلا بتدي 2 سنت او 3 او 4 ودي غالبا يمكن تدفع في البداي لشوية من الاعضاء عشان تعمل اثبات دفع
وبعد اما يبقى اعدد الاعضاء كبير .. سلامتكم ( لان ببساطة وبحسبة صغيرة حتلاقي ان سعر الاعلان مش حيغطي المبالغ اللي
مفروض تدفع للاعضاء والريفيرالز بتاعهم ) تمام؟

* الشركة النصابة عادة ما بكونش عندها منتدى للاعضاء واذا كان فيه يبقى انت لازم تبص على الناس بتقول ايه .. راضيين ولا بييشتكوا؟؟

* الشركة النصابة ما بتستمرش لاكتر من سنة وبعد كدة بتكون اتعرفت ونزلت في البلاك لست

* الشركات الكويسة واللى بتدفع تلاقي عدد الاعضاء فيها كبير جدا يعني قريب على ال 100000 او اكتر وفي الوضع دة ممكن
يحصل تاخير شوية في الدفع وده طبيعي لان هم لازم يتاكدوا من كل عضو قبل ما يدفعولو احسن يكون بيغش

ودلوقت نيجي للنصايح اللي لازم ناخد بالنا منها قبل ما نسجل في اي شركة :

* قبل ما تسجل بص كدة على سعر الكليك وسعر الاعلان واعمل حسبتك
* تاني حاجة بص على المنتدى اذا كان في ناس بيشتكوا
* اعمل بحث سريع في النت على قوايم الشركات النصابة وشوف اسمها نازل ولا لا
* طيب لو كانت الشركة لسة جديدة نعمل ايه : اقولك سجل وبسرعة ، حتقولي ليه
اقولك عشان الشركة الجديدة بتدفع بسرعة يعني ممكن خلال ساعات والحد الادنى بيكون بسيط
يعني ممكن توصله بسرعة وهي بتعمل كدة عشان تكسب ناس وبعد كدة ممكن ترفع الحد الادنى وتزود مدة الدفع
بس خد بالك : انت لازم تعمل فيها ريفيرالز بسرعة عشان تقدر توصل للدفع اكترمن مرة بس برضو
اقولك ما تشتريش ريفيرالز يعني حاول تكسبهم من النت من غير ما تدفع فيهم وما تتسرعش في انك تعمل عضوية premium

* ونصيحة عامة حاول انك دايما حتى مع الشركات الكويسة انك تشتري من الفلوس اللى بتكسبها

واخيرا المكسب الحقيقي من الشركات دي ان يكون عندك ريفيرالز كتير